తలీకరణ

వ్యాకరణ విశేషాలు

భాషాభాగం

• నామవాచకం, ఏక వచనం

వ్యుత్పత్తి

• ఒకే తలంలో ఊగిసలాడేటట్లు చేసిన

బహువచనం

• తలీకరణలు

అర్థ వివరణ

ఇది ఇంగ్లీషు లోని polarization అనే మాటకి సరితూగే మాట. ఇంగ్లీషులో ఇది misnomer, అనగా అర్థంతో పొందు కుదరని మాట. ఈ ప్రక్రియ పరిపూర్ణంగా అర్థం కాని రోజులలో కాంతి కణాల రూపంలో ఉంటుందనిన్నీ, ఆ కణాలన్నీ బుల్లి బుల్లి అయస్కాంతాలలా ఉంటాయనిన్నీ అనుకునేవారు. ఈ అయస్కాంతాల ఉత్తర, దక్షిణ ధ్రువాలు (poles) చెదురుమదురుగా అన్ని దిశలలోకీ తిరిగి ఉంటే ఆ కాంతి unpolarized అనిన్నీ, ధ్రువాలు అన్నీ కవాతు చేస్తూన్న సైనికులలా బారులు తీరి, అన్ని ఉత్తర ధ్రువాలు ఒక దిశ లోనూ, అన్ని దక్షిణ ధ్రువాలు వ్యతిరేక దిశలోను తిరిగి ఉంటే ఆ కాంతి polarized అనిన్నీ అనుకునేవారు. కాని ఈ సిద్ధాంతం తప్పని తేలింది. పేరు మాత్రం అతుక్కు పోయింది.

కాంతి విద్యుదయస్కాంత తరంగాలని మనకి తెలుసు. విద్యుత్‌ తరంగాలు ఒక దిశలో ఉన్న తలంలో ఊగిసలాడితే అయస్కాంత తరంగాలు వాటికి లంబ దిశలో ఉన్న తలంలో ఊగిసలాడతాయి. ఈ రెండు పరస్పర లంబ దిశలకీ లంబంగా ఉన్న మూడవ దిశలో కాంతి తరంగం ముందుకి కదులుతుంది. ఇలా ప్రయాణం చేస్తూన్న తరంగానికి అడ్డుగా "నిలువు కంతలు" (vertical slits) ఉన్న జల్లెడని పెడితే ఆ జల్లెడ గుండా ఒక తలంలో ఉన్న తరంగాలు మాత్రమే దూసుకు పోగలవు. ఇలాంటి జల్లెడ గుండా ప్రయాణించి బయటకి వచ్చిన తరంగాన్ని "తలీకరించిన" తరంగం అందాం - అంటే "ఒకే తలంలో ఊగిసలాడేటట్లు చేసిన" అని అర్థం. దీనినే ఇంగ్లీషులో polarized light అంటారు.

పదాలు

నానార్థాలు

లేవు

సంబంధిత పదాలు

• చక్రీయ తలీకరణ = circular polarization

వ్యతిరేక పదాలు

లేవు

పద ప్రయోగాలు

polarized sunglasses = తలీకరించిన చలవ కళ్లజోళ్లు

అనువాదాలు

ఇంగ్లీషు:(ప్రోటీన్‌) protein ఫ్రెంచి: సంస్కృతం:()hi: హిందీ:

తమిళం: కన్నడం: మలయాళం:

బయటి లింకులు

• polarization
• తెలుగు